Janë 40 vjet që kur Paula Abdul bëri koreografinë për Janet Jackson në albumin e saj revolucionar “Control” (1986). Duke folur për PEOPLE në galën “Dancers Against Cancer” në Beverly Hills më 22 tetor, 64-vjeçarja tha se ishte me fat që artistja e parë me të cilën punoi si koreografe ishte Janet Jackson.

“Xhevahirë të rrallë si ajo shfaqen shumë rrallë. E kupton kur po e përjeton këtë dhe të jesh pjesë kaq e madhe e albumit ‘Control’, me gjithë vlerësimet që ajo mori dhe punët e mundësitë që unë mora prej tij, do të jem gjithmonë mirënjohëse”, tha Abdul. “Jam shumë krenare që e shoh Janetin duke shkëlqyer vazhdimisht”.

Abdul bëri koreografinë për videoklipet e këngëve “What Have You Done for Me Lately”, “Control”, “When I Think of You” dhe “Nasty”. Albumi mori disa vlerësime, përfshirë nominimin për Albumin e Vitit në Grammy dhe çmimin për Producentin e Vitit, jo klasik.

Abdul tha se karriera e saj ka tejkaluar çdo ëndërr dhe se i pëlqen të hapë rrugë për talentet e reja. Sipas saj, koreografia e saj “i reziston edhe sot kohës”.

Ish-gjyqtarja e “American Idol” është e përfshirë në “Dancers Against Cancer” “që nga fillimi”, pasi shikoi motrën e saj të luftonte kancerin e gjirit. Gjatë trajtimit, ajo donte që motra të vallëzonte me të, si metaforë se po “largonte kancerin me vallëzim, përmes djersës dhe punës së palodhur”.

Në gala, Abdul ndau pas vdekjes çmimin “Paula Abdul Legacy Award” për Chita Riveran. “Kur isha fëmijë, ajo ishte heroina ime. Doja të isha si ajo dhe të vallëzoja si ajo. Vallëzimi e mbajti gjallë gjatë gjithë viteve kur ishte aktive”, tha Abdul.

Burimi: People