Futbollisti me prejardhje shqiptare, Adri Mehmeti, është kthyer në një nga talentet më të spikatur në Amerikën e Veriut. Vetëm 17 vjeç, mesfusha mbrojtës është bërë lojtar titullar te New York Red Bulls dhe së fundmi ka debutuar edhe me kombëtaren e parë të SHBA-së (USMNT).

Babai i tij, i cili ka luajtur për moshat e Shqipërisë, ka qenë frymëzimi dhe mbështetja kryesore në karrierën e tij që nga hapat e parë në oborrin e shtëpisë. Mehmeti ka përfaqësuar më parë edhe grupmoshat e reja të Shqipërisë.

Gjiganti mediatik CNN i ka kushtuar një artikull special djaloshit 17-vjeçar me origjinë shqiptare, duke e cilësuar si yllin e së ardhmes në futbollin amerikan!

Detaje interesante nga meçi dhe jeta e 17-vjeçarit:

• Karriera e shpejtë: Brenda pak muajsh u promovua nga ekipi i dytë në ekipin e parë të Red Bulls, ku shënoi edhe golin e tij të parë në MLS.

• Debutimi me SHBA-në: Trajneri Mauricio Pochettino e ftoi në kombëtaren e parë, ku debutoi në fitoren 4-1 ndaj Perusë.

• Jeta jashtë fushe: Pavarësisht suksesit në MLS, ai vazhdon shkollimin me korrespondencë dhe nuk ka ende patentë shoferi – nëna e tij e dërgon çdo ditë në stërvitje.

Me talentin dhe qetësinë e tij në fushë, Mehmeti tashmë ka tërhequr vëmendjen e klubeve të mëdha europiane.