Thrilleri psikologjik “Verity”, me Anne Hathaway, Dakota Johnson dhe Josh Hartnett, ka debutuar në vendin e parë në kinematë amerikane dhe kanadeze, duke arkëtuar rreth 32.6 milionë dollarë gjatë fundjavës së parë, në 3,510 kinema. I bazuar në romanin bestseller të Colleen Hoover, filmi ndjek shkrimtaren Lowen Ashleigh, e cila angazhohet për të përfunduar serinë e librave të autores Verity Crawford dhe gjatë qëndrimit në shtëpinë e saj zbulon materiale që ngrenë dyshime për të kaluarën e familjes. Në vendin e dytë u rendit “Resident Evil” me 12.5 milionë dollarë, ndërsa “Heart of the Beast” në të tretin me rreth 11 milionë. Ndërkohë, filmi i ri i Tom Cruise, “Digger”, debutoi në vendin e pestë me rreth 8 milionë dollarë.