Aktori Alan Ritchson, i njohur sidomos për rolin e Jack Reacher në serialin “Reacher”, do të jetë protagonisti i filmit të ri “Counting Miracles”, bazuar në romanin e Nicholas Sparks.

Filmi tani ka edhe një regjisor të ri. Tyler Nilson do ta drejtojë dhe shkruajë skenarin e adaptimit të romanit, i cili u publikua në vitin 2024.

Ritchson do të luajë Tanner Hughes, një ish-ushtar i cili udhëton nëpër SHBA për të qëndruar pranë familjeve të ushtarëve të vrarë. Jeta e tij ndryshon kur një letër e dërgon në kërkim të babait që nuk e ka takuar kurrë.

Gjatë udhëtimit, ai takohet me një burrë të moshuar me një të kaluar misterioze dhe zbulon të vërteta që lidhen edhe me identitetin e tij.

“Counting Miracles” është një tjetër histori e Nicholas Sparks që po përshtatet për ekranin, pas filmave të njohur si “The Notebook”, “A Walk to Remember” dhe “Dear John”.

Filmi ende nuk ka një datë zyrtare të premierës