Doctor Strange rikthehet me një histori të re, këtë herë të frymëzuar nga horrori kozmik dhe veprat e shkrimtarit të njohur H.P. Lovecraft.

Në romanin e ri grafik “Doctor Strange: Endless Nightmare”, Stephen Strange përballet me një pacient misterioz që pretendon se jeta nuk është gjë tjetër veçse ëndrra e një perëndie që fle. Pas kësaj, njerëzit në mbarë botën preken nga pagjumësia, ndërsa situata nis të shkaktojë kaos.

Për të ndalur katastrofën, Doctor Strange duhet të hyjë në mendjen e pacientit dhe të udhëtojë drejt Nightmare Realm, një botë surrealiste dhe e rrezikshme.

Romani është shkruar nga Kevin J. Anderson, ndërsa ilustrimet janë realizuar nga Raúl Allén dhe Patricia Martín, ekipi që më herët punoi së bashku në Dune: The Graphic Novel.

“Doctor Strange: Endless Nightmare” është tashmë i disponueshëm nga Abrams ComicArts.