Seriali i njohur “Landman”, i krijuar dhe prodhuar nga Taylor Sheridan, do të rikthehet me sezonin e tretë në vitin 2027.

Paramount+ ka konfirmuar se aktori Michael Kelly, i njohur edhe nga seriali “Lioness”, do t’i bashkohet kastit si personazh i rregullt.

Kelly do të luajë William Crockett, drejtuesin e kompanisë më të madhe të menaxhimit të naftës në botë. Personazhi përshkruhet si një figurë shumë e fuqishme në industrinë e naftës, e karakterizuar nga pasuria, efikasiteti dhe ndikimi.

Ai pritet të jetë pjesë e çdo episodi të sezonit të ri dhe duket se do të zërë një pjesë të rëndësishme të hapësirës së lënë pas vdekjes së personazhit Monty Miller, të luajtur nga Jon Hamm, në fund të sezonit të parë.

Detajet e sezonit të tretë ende po mbahen të fshehta, ndërsa dy sezonet e para të “Landman” janë të disponueshme në Paramount+.