Aktorja Adria Arjona ka zbuluar se vite më parë ishte në garë për të luajtur personazhin Qi’ra në filmin “Solo: A Star Wars Story”.

Arjona, e cila sot njihet për rolin e Bix Caleen në serialin “Andor”, tregoi në podcastin “Happy Sad Confused” se kishte marrë pjesë në audicion për rolin, ku ishin të pranishëm edhe aktori Alden Ehrenreich dhe regjisorët fillestarë të filmit, Phil Lord dhe Chris Miller.

Ajo tha se ishte jashtëzakonisht e emocionuar dhe nervoze, pasi “Star Wars” kishte qenë një nga ëndrrat e saj më të mëdha. Megjithatë, rolin e Qi’rës e mori përfundimisht Emilia Clarke.

Arjona tha se sot është e lumtur që nuk e fitoi atë rol, pasi kjo i dha mundësinë të luante Bix në “Andor”, personazh që ajo e konsideron shumë të rëndësishëm në karrierën e saj.

“Bix është i vetmi personazh që kam tatuazh në trup”, tha aktorja.

Nëse Arjona do të luante Qi’ra, ajo mund të ishte shfaqur në disa filma të “Star Wars”, pasi në atë kohë ishin planifikuar vazhdime të “Solo”. Megjithatë, planet për vazhdime u anuluan pas performancës së dobët të filmit në kinema.

Ndërkohë, Arjona pritet të shfaqet edhe në projekte të tjera të mëdha, përfshirë filmin e ardhshëm të DC-së, “Man of Tomorrow”.