Maqedonia e Veriut po përballet me kritika pas një gabimi në paraqitjen e Kosovës gjatë Kampionatit Botëror të Peshkimit të Krapit, që po zhvillohet në këtë shtet. Në materialin e prezantimit të pjesëmarrësve, flamuri i Kosovës është paraqitur me shtatë yje, në vend të gjashtë yjeve që përmban flamuri zyrtar.

Kampionati i 26-të Botëror i Peshkimit të Krapit po mbahet nga 2 deri më 5 shtator 2026 dhe në të merr pjesë edhe përfaqësuesja e Kosovës. Gabimi në paraqitjen e simboleve shtetërore ka ngjallur reagime, ndërsa mbetet të shihet nëse organizatorët do ta korrigjojnë atë.