Ministria e Infrastrukturës dhe Transportit ka njoftuar se sot do të vendoset kufizim i përkohshëm i qarkullimit për automjetet që transportojnë mallra dhe kanë masë të përgjithshme mbi 20 tonë.

Në autostrada, këto automjete nuk do të lejohen të qarkullojnë nga ora 11:00 deri në 17:30, kur temperaturat pritet të arrijnë ose tejkalojnë 32 gradë Celsius.

Masa është marrë për shkak të temperaturave të larta dhe synon ruajtjen e sigurisë së infrastrukturës rrugore.

Kufizimi nuk vlen për automjetet e organeve të rendit dhe sigurisë publike, ekipet e emergjencës dhe automjetet e institucioneve shëndetësore.