Filmi i ri i Marvel, “Spider-Man: Brand New Day”, pritet të sjellë një dinamikë të re në historinë e Peter Parker, me përfshirjen e personazhit The Punisher, të luajtur nga Jon Bernthal.

Pas vdekjes së Tony Stark në “Avengers: Endgame”, Spider-Man ka humbur figurën e tij mbështetëse, ndërsa tani marrëdhënia me Frank Castle mund të sjellë një tjetër lloj lidhjeje.

Bernthal e përshkroi raportin mes dy personazheve jo si atë të një “xhaxhai argëtues”, por më shumë si një “vëlla më i madh problematik”, duke thënë se filmi do të fokusohet në një marrëdhënie autentike mes tyre.

Në kastin e filmit do të rikthehet edhe Mark Ruffalo si Bruce Banner/Hulk, ndërsa Sadie Sink do të ketë një rol misterioz.

“Spider-Man: Brand New Day” do të publikohet në kinema më 31 korrik.