Trajneri i ri i Fulhamit, Alvaro Arbeloa, ka nisur planet për përforcimin e skuadrës dhe objektivat e tij të parë vijnë nga Real Madridi.

Sipas raportimeve të The Sun, Arbeloa dëshiron të transferojë te klubi londinez dy lojtarë që i ka drejtuar te Real Madrid Castilla – sulmuesin Gonzalo Garcia dhe mesfushorin ofensiv Franco Mastantuono.

Garcia, 22 vjeç, zhvilloi një sezon të mirë me Castillan, duke shënuar 10 gola në 32 ndeshje, ndërsa Mastantuono, i transferuar nga River Plate verën e kaluar, konsiderohet një nga talentet më premtues të klubit madrilen. Për argjentinasin, një largim në formë huazimi shihet si opsioni më i mundshëm.

Fulhami kërkon të përforcojë repartin ofensiv pas largimeve të Harry Wilson dhe Raul Jimenez, ndërsa në listën e dëshirave të klubit londinez figuron edhe mesfushori i Southamptonit, Shea Charles.

Ndërkohë, ish-mesfushori i Tottenhamit, Yves Bissouma, po stërvitet në ambientet e Fulhamit, por drejtuesit e klubit nuk po e konsiderojnë aktualisht transferimin e tij.