Federata Angleze e Futbollit (FA) ishte shumë pranë emërimit të Pep Guardiolës si trajner të kombëtares së Anglisë, përpara se posti t’i besohej Thomas Tuchel, raporton The Athletic.

Pas largimit të Gareth Southgate, drejtuesit e FA-së e kishin identifikuar Guardiolën si objektivin kryesor dhe madje kishin arritur një marrëveshje verbale me strategun spanjoll. Megjithatë, Guardiola vendosi të qëndronte edhe një sezon te Manchester City, duke bërë që negociatat të mos finalizoheshin.

Si rezultat, FA emëroi Thomas Tuchel, i cili mori drejtimin e “Tre Luanëve” në janar të vitit 2025. Nën drejtimin e tij, Anglia siguroi kualifikimin për Kupën e Botës me tetë fitore në tetë ndeshje, por u eliminua në gjysmëfinale nga Argjentina.

Pas humbjes, Tuchel u kritikua për qasjen e tij taktike, ndërsa raportimi i The Athletic zbulon se historia e kombëtares angleze mund të kishte qenë krejt ndryshe nëse Guardiola do ta kishte pranuar ofertën e FA-së.