Ministria e Infrastrukturës dhe Transportit ka njoftuar se do të vendoset kufizim i përkohshëm i qarkullimit për automjetet e transportit të mallrave me peshë mbi 20 tonë, për shkak të temperaturave të larta.

Kufizimi do të vlejë në autoudhë nga ora 11:00 deri në 17:30, pasi temperaturat pritet të arrijnë 32 gradë Celsius ose më shumë.

Në rrugët nacionale, rajonale dhe lidhëse qarkullimi do të lejohet pa kufizime.

Nga ky vendim përjashtohen automjetet e policisë, shërbimeve emergjente dhe institucioneve shëndetësore. Ministria ka kërkuar nga operatorët dhe shoferët që të respektojnë orarin e përcaktuar.