Ministria e Infrastrukturës dhe Transportit ka njoftuar se sot nuk do të zbatohen kufizime të qarkullimit për automjetet e transportit të mallrave me masë totale mbi 20 tonë.

Sipas ministrisë, bazuar në parashikimet zyrtare të motit, temperaturat për sot nuk i plotësojnë kushtet e përcaktuara për vendosjen e kufizimeve të përkohshme në qarkullim.

Autoritetet bëjnë të ditur se do të vazhdojnë monitorimin e përditshëm të kushteve meteorologjike dhe do të njoftojnë me kohë qytetarët dhe operatorët ekonomikë nëse krijohen kushtet për zbatimin e masave të tilla.