Një studim i fundit paralajmëron se përdorimi i zgjatur i aplikacioneve për njohje mund të çojë në të ashtuquajturin "lodhje nga aplikacionet e takimeve" (dating app burnout), duke ndikuar negativisht në shëndetin mendor të përdoruesve.

Sipas hulumtimit, përdoruesit mund të përjetojnë lodhje emocionale, zhgënjim, ankth, vetmi dhe ndjenjën se përpjekjet e tyre nuk po japin rezultat. Studiuesit rekomandojnë që aplikacionet të mos jenë mënyra e vetme për të njohur njerëz të rinj, të kufizohet koha e përdorimit dhe të bëhen pauza kur ato fillojnë të ndikojnë në mirëqenien psikologjike.

Ekspertët theksojnë se njohjet në jetën reale dhe mbështetja nga miqtë mund të ndihmojnë në shmangien e këtij fenomeni.