Filmi i ri i luftës “Lucky Strike”, me aktorin Scott Eastwood në rolin kryesor, nuk po arrin të bindë publikun dhe kritikët pas publikimit.

Sipas vlerësimeve në Rotten Tomatoes, filmi ka marrë 63% nga publiku dhe 56% nga kritikët, duke u renditur si një prej projekteve më të dobëta të zhanrit në këtë periudhë.

Filmi, i vendosur gjatë Betejës së Bulges në Luftën e Dytë Botërore, ndjek historinë e një ushtari amerikan të mbetur pas vijave armike. Në kast përfshihen edhe Colin Hanks dhe Aunjanue Ellis-Taylor.

Megjithëse përdor teknika të njohura si “long takes”, të përdorura edhe në filma si 1917 dhe The Outpost, filmi nuk ka arritur pritshmëritë as në kritika e as në arkë.