Pajisjet teknologjike, që dikur bëheshin më të lira me kalimin e kohës, tani po ndjekin trend të kundërt — çmimet e tyre po rriten.

Gjigantë si Apple dhe Microsoft kanë rritur çmimet e laptopëve, tabletëve dhe konzolave të lojërave, duke fajësuar mungesën dhe shtrenjtimin e komponentëve kryesorë, veçanërisht çipeve të memories (RAM).

Ekspertët thonë se kërkesa e madhe për inteligjencë artificiale ka rritur ndjeshëm nevojën për çipe, pasi qendrat e mëdha të të dhënave që fuqizojnë AI përdorin të njëjtët komponentë si pajisjet që përdorim çdo ditë.

Si pasojë, konsumatorët mund të përballen me çmime më të larta për laptopë, telefona dhe pajisje gaming, ndërsa analistët paralajmërojnë se kjo situatë mund të zgjasë edhe disa vite.