Sipas ekspertëve, vajzat dhe gratë shpesh rriten me pritshmëri të larta shoqërore – të jenë të kujdesshme, të sjellshme, të suksesshme dhe njëkohësisht të mos duken “shumë të ashpra”. Kjo, sipas psikologëve, ndikon që shumë prej tyre të përdorin shpesh fjalën “më fal”, edhe kur nuk është e nevojshme.

Studimet tregojnë se gratë kanë një prag më të ulët për ta konsideruar një situatë si ofenduese apo problematike, ndërsa burrat zakonisht kërkojnë falje kur e shohin një gabim si më serioz.

Ekspertët thonë se kërkimi i faljes mund të jetë shenjë empatie dhe respekti, por përdorimi i tepërt mund të ndikojë në mënyrën si perceptohet vetëbesimi, sidomos në vendin e punës.