Më shumë se pesë dekada pas fotografisë ikonike Earthrise të realizuar gjatë misionit Apollo 8 në vitin 1968, astronautët e misionit Artemis II kanë kapur një imazh të ri të Tokës, të quajtur “Earthset”.

Fotografia e re tregon Tokën duke “perënduar” pas sipërfaqes së Hënës dhe është realizuar gjatë një fluturimi rrethor disaorësh. Ndryshe nga fotografia e parë, e cila u realizua rastësisht, kjo pamje ishte pjesë e planifikuar e misionit.

Ekspertët theksojnë se, ndonëse në aspektin gjeologjik kjo periudhë kohore është e shkurtër, ndryshimet klimatike kanë transformuar ndjeshëm planetin. Rritja e temperaturave globale, shtimi i nivelit të dioksidit të karbonit dhe shkrirja e akullnajave janë disa nga ndryshimet kryesore të vërejtura.

Fotografia “Earthrise” ndikoi fuqishëm në ndërgjegjësimin global për mbrojtjen e mjedisit dhe çoi në krijimin e Earth Day në vitin 1970. Ndërsa “Earthset” vjen si një rikujtim i ri për brishtësinë e planetit dhe nevojën për ta mbrojtur atë.