Reperi i njohur Lil Wayne ka pranuar se mosftesa në evente madhore si Coachella dhe Grammy Awards ka qenë një përvojë “përulëse” për të.

43-vjeçari reagoi në rrjetet sociale duke theksuar se shpesh mbetet jashtë këtyre aktiviteteve, duke shtuar se vlerëson mbështetjen e fansave, të cilën e cilëson si të përjetshme.

Postimi i tij nxiti reagimin e Fred Durst, frontmen i Limp Bizkit, i cili propozoi krijimin e një eventi alternativ për artistët e “paftuar”.
Një vit më parë, Lil Wayne deklaroi se nuk do të performojë kurrë në Super Bowl Halftime Show, pasi është anashkaluar vazhdimisht. Ai tha se madje kishte ndryshuar stilin e tij të rrjetëzimit për të siguruar pjesëmarrjen, por pa sukses.

Në një intervistë për Rolling Stone, ai tregoi se kishte marrë pjesë në evente të pazakonta për të, si festat e Michael Rubin dhe aktivitete me Tom Brady, vetëm për të rritur shanset.

Reperi gjithashtu pretendoi se NFL i kishte kërkuar falje pasi u anashkalua në favor të Kendrick Lamar, megjithëse shtoi se liga nuk është vendimmarrësi përfundimtar për përzgjedhjen e artistëve.