Të shtëna me armë pranë shtëpisë së Rihanna-s në Beverly Hills, një person arrestohet

Muzikë | 09.03.2026 Ora 7:47

Policia në Los Anxhelos ka arrestuar një person pas të shtënave me armë zjarri pranë rezidencës së këngëtares Rihanna në Beverly Hills.

Sipas autoriteteve, oficerët reaguan pas raportimeve për të shtëna rreth orës 13:15 të së dielës. Në vendin e ngjarjes janë gjetur gëzhoja të armës, ndërsa dyshohet se një grua në të tridhjetat ndaloi me makinë jashtë shtëpisë dhe qëlloi shtatë herë, përpara se të largohej.

Automjeti i saj u gjet rreth 12 kilometra larg, ku edhe u bë arrestimi. Identiteti i të dyshuarës nuk është bërë ende publik.

Nga incidenti nuk raportohet për persona të lënduar, ndërsa sipas mediave amerikane këngëtarja ndodhej në shtëpi në momentin e ngjarjes.

Autoritetet kanë nisur hetimet për të zbardhur rrethanat dhe motivin e incidentit.