Pas incidentit, drejtori i shkollës dhe një mësimdhënës janë suspenduar, ndërsa ndaj një të mituri është iniciuar rast penal për veprën “Sulm”. Ekspertët e arsimit dhe sociologët vlerësojnë se dhuna në shkolla nuk është fenomen i izoluar, por pasqyrim i një krize më të gjerë sociale, që lidhet me familjen, sistemin arsimor dhe institucionet e rendit e të mirëqenies sociale.

Sipas tyre, mungesa e përkrahjes familjare, tensionet sociale dhe sfidat ekonomike ndikojnë drejtpërdrejt në sjelljen e fëmijëve, duke reflektuar probleme të thella strukturore.

Ndërkohë, autoritetet komunale në Prishtinë kanë njoftuar për masa konkrete për rritjen e sigurisë në shkolla. Është bërë vlerësim i rrezikshmërisë në të gjitha institucionet arsimore dhe në buxhetin e këtij viti është paraparë vendosja e oficerëve të sigurisë në çdo shkollë. Po ashtu, janë shtuar patrullat policore në afërsi të shkollave fillore dhe të mesme, me qëllim parandalimin e incidenteve të ngjashme.