Një ekspert i inteligjencës artificiale ka paralajmëruar për rreziqet e një trendi viral në rrjetet sociale që përdor ChatGPT dhe mjetet e IA-së për të kthyer fotot personale në karikatura humoristike.

Mohamed Mohsen Ramadan, kreu i Njësisë së IA-së dhe Sigurisë Kibernetike në Qendrën Arabe për Kërkime dhe Studime, tha për Al Arabiya se këto aplikacione analizojnë tiparet e fytyrës, shprehjet, moshën dhe madje profesionin e përdoruesit për t’i integruar në skena satirike. Por pas transformimit të thjeshtë fshihet një proces kompleks teknik që mund të rrezikojë privatësinë dhe sigurinë.

Eksperti paralajmëron se imazhet që përmbajnë detaje biometrike mund të përdoren më vonë për mashtrime, shantazh ose imitim, dhe çdo bazë të dhënash dixhitale mbetet e ndjeshme ndaj hakerimeve. Ai këshillon përdoruesit të jenë të kujdesshëm para se të ndajnë fotografi personale në këto aplikacione.