Trajneri i Paris Saint-Germain, Luis Enrique, ka hedhur poshtë çdo spekulim për të ardhmen e tij, duke konfirmuar se ndihet i përmbushur në krye të klubit parisien.

Në një deklaratë të cituar nga gazetari i njohur Fabrizio Romano, tekniku spanjoll u shpreh: “Jam shumë i lumtur te Paris Saint-Germain. Ici c’est Paris!”

Këto fjalë vijnë në një moment kur emri i tij është përmendur në media në lidhje me disa klube të mëdha evropiane. Megjithatë, mesazhi i Luis Enrique është i qartë: fokusi i tij mbetet te PSG dhe projekti aktual i klubit.

Paris Saint-Germain vazhdon të ndërtojë një ekip konkurrues nën drejtimin e tij, me objektiva të qarta si në kampionat ashtu edhe në arenën evropiane.