Google po konsideron mundësinë e vendosjes së qendrave të të dhënave në hapësirë për të shfrytëzuar energjinë diellore në mënyrë më efikase, sipas Drejtorit të Përgjithshëm, Sundar Pichai.

Në një intervistë për Fox News, Pichai tha se kompania po punon intensivisht në kompjuterë kuantikë, por gjithashtu zhvillon projekte ambicioze, duke përfshirë idenë e qendrave të të dhënave në orbitë. “Synimi ynë është të vendosim këtë infrastrukturë sa më afër Diellit,” tha ai.

Sipas planeve fillestare, Google do të testojë këtë koncept në 2027, duke dërguar në hapësirë paketa me rafte të vogla me kompjutera. Pichai beson se me kalimin e viteve, kjo mënyrë e ndërtimit mund të bëhet standard.