Ndotja e ajrit në Prishtinë arrin 150% mbi nivelin normal

Vendi | 03.12.2025 Ora 7:44

Profesori Ilir Morina nga Universiteti “Haxhi Zeka” ka paralajmëruar për situatën tejet të rënduar të ajrit në Prishtinë, duke e përshkruar ndotjen si jashtëzakonisht të lartë. Ai ka deklaruar në Klan Kosova se ndotja ka arritur deri në 150% mbi nivelin e pranueshëm dhe se kjo gjendje mund të zgjasë deri në një javë.

Sipas Morinës, kombinimi i temperaturave të ulëta, lagështisë së madhe, mjegullës dhe djegieve të ndryshme po krijon një shtresë të dendur ndotjeje që po ngulfat kryeqytetin. Ai ka theksuar se ajri aktualisht është i rrezikshëm për të gjitha kategoritë dhe ka kërkuar më shumë apelim institucional për qytetarët.