1 Tetor 2025 – Sot, në mbarë botën shënohet Dita Ndërkombëtare e të Moshuarve, një datë e rëndësishme për të reflektuar mbi rolin thelbësor që të moshuarit kanë luajtur dhe vazhdojnë të luajnë në jetën tonë, në familje dhe në ndërtimin e shoqërive më të qëndrueshme dhe të drejta.

Kjo ditë, e caktuar nga Organizata e Kombeve të Bashkuara (OKB) që nga viti 1990, ka për qëllim promovimin e të drejtave të të moshuarve, mbrojtjen e mirëqenies së tyre dhe ndërgjegjësimin për sfidat me të cilat ata përballen çdo ditë – nga shëndeti dhe pensionet, te vetmia, përjashtimi social dhe diskriminimi.

Sipas të dhënave të fundit nga OKB:

• Deri në vitin 2050, numri i personave mbi 60 vjeç do të dyfishohet, duke arritur në mbi 2 miliardë në nivel global.

• Në shumë vende, përfshirë Shqipërinë, numri i të moshuarve po rritet me ritme të shpejta, duke kërkuar më shumë mbështetje institucionale dhe sociale
  
  Ndonëse është një shoqëri me përqindje të lartë të popullsisë së re, numri i të moshuarve në Kosovë po rritet gradualisht, duke sjellë sfida të reja në fushën e kujdesit shëndetësor, pensioneve dhe përfshirjes sociale.