Aktori Dwayne Johnson, i njohur për rolet e tij në filmat aksion dhe aventurë, po sjell një tjetër anë të vetes në një projekt të ri nga kompania A24. Sipas raportimeve nga Deadline, ai është përzgjedhur për të luajtur në thrillerin psikologjik “Breakthrough”, ku do të interpretojë një guru motivues me një anë më të errët sesa çka shfaqet në sipërfaqe.

Filmi zhvillohet në Kaliforninë e Jugut, në fund të viteve '90 dhe fillimin e viteve 2000, dhe ndjek historinë e një të riu të humbur që bie nën ndikimin e një figure karizmatike të vetë-ndihmës. Ndërsa publiku tërhiqet nga fjalimet dhe prezenca e guru-së, shumë shpejt zbulohen metoda të dyshimta dhe qëllime më të errëta.

Johnson do të ketë një rol mbështetës në këtë projekt, ndërkohë që ende nuk është zbuluar se kush do të luajë rolin kryesor. “Breakthrough” është shkruar nga skenaristi në ngjitje Zeke Goodman dhe aktualisht është pa regjisor të konfirmuar.

Ky është bashkëpunimi i dytë i Johnson me A24, pas filmit “The Smashing Machine” që do të dalë në tetor të këtij viti, ku ai interpreton luftëtarin legjendar Mark Kerr. A24 po i ofron aktorit mundësi të reja për t’u larguar nga klishetë e zakonshme dhe për të eksploruar role më të thella dhe dramatike.