Netflix ka marrë miratimin për të ndërtuar një qendër të madhe prodhimi në vendin e dikurshëm të Fort Monmouth në New Jersey, duke shndërruar zonën në një qendër kyçe për film dhe televizion. Investimi fillestar arrin vlerën 903 milionë dollarë dhe përfshin ndërtimin e katër studiove zanore në një sipërfaqe prej 29 hektarësh në qytetet Oceanport dhe Eatontown.

Ky zhvillim do të ofrojë hapësira të sigurta dhe të mbyllura për aktorët dhe stafin teknik, duke garantuar kushte optimale për prodhimin e filmave dhe serialeve.

Netflix ka njoftuar gjithashtu një investim shtesë prej 848 milionë dollarësh për ndërtimin e zyrave, shërbimeve të prodhimit, një helikopterporti dhe atraksioneve për vizitorët, duke e bërë këtë projekt një nga investimet më të mëdha në industrinë e argëtimit në rajon.

Ky kompleks do të kontribuojë në zhvillimin ekonomik të New Jersey dhe do të forcojë pozicionin e Netflix si një nga liderët kryesorë në prodhimin e përmbajtjeve filmike dhe televizive në SHBA.