Kalifornia ka kaluar Japoninë në renditjen globale të ekonomive më të mëdha, duke u pozicionuar si fuqia e katërt ekonomike në botë, pas SHBA-së, Kinës dhe Gjermanisë.

Sipas të dhënave të publikuara nga Fondi Monetar Ndërkombëtar (FMN) dhe Byroja Amerikane e Analizës Ekonomike, Prodhimi i Brendshëm Bruto (GDP) i Kalifornisë në vitin 2024 arriti në 4.10 trilionë dollarë, duke lënë pas Japoninë me 4.01 trilionë.

Guvernatori Gavin Newsom, duke komentuar këtë sukses, deklaroi:
“Kalifornia nuk është thjesht duke ndjekur ritmin e botës – ne po e vendosim ritmin!”

Kalifornia është lider në sektorin e teknologjisë, prodhimit, bujqësisë, industrisë së filmit dhe ka portet më të mëdha të SHBA-së. Megjithatë, ky sukses ekonomik vjen në një kohë të pasigurisë për shkak të tarifave të vendosura nga administrata e presidentit Donald Trump ndaj importeve – përfshirë edhe vendet fqinje si Meksika dhe Kanadaja, por edhe Kinën, që ka shkaktuar një luftë të fortë tregtare.

Newsom, një prej figurave më të spikatura të Partisë Demokratike dhe i përfolur si kandidat për president në 2028, ka ngritur padi ndaj administratës Trump për politikat tarifore që sipas tij kërcënojnë stabilitetin ekonomik të shtetit.
“Ky përparim është i rrezikuar nga politikat e pamatura tarifore,” shtoi ai.
Ndërkohë, Trump argumenton se këto tarifa janë mënyra për të rikthyer prodhimin dhe vendet e punës në SHBA.

Sipas të dhënave të FMN-së:
???????? SHBA – $29.18 trilionë
???????? Kina – $18.74 trilionë
???????? Gjermania – $4.65 trilionë
???? Kalifornia – $4.10 trilionë
???????? Japonia – $4.01 trilionë

Japoni po përballet me sfida të mëdha ekonomike për shkak të plakjes së popullsisë dhe mungesës së fuqisë punëtore.