Disney Cruise Line po përgatit gjithçka për nisjen e anijes së saj më të madhe deri më tani — “Disney Adventure” — e cila do të debutojë më 15 dhjetor 2025 nga Marina Bay Cruise Centre në Singapor.

Me një kapacitet për rreth 6,000 pasagjerë dhe peshë bruto prej 208,000 tonësh, kjo anije 1,122 metra e gjatë do të sjellë një përvojë të paharrueshme për të gjithë fansat e magjisë Disney, duke ofruar shtatë “tokë” tematike si: Disney Imagination Garden, Marvel Landing, Toy Story Place, San Fransokyo Street, Town Square, Wayfinder Bay dhe Disney Discovery Reef.

Ajo që e bën këtë përvojë unike është mungesa e ndalesave — udhëtimet do të jenë kryesisht 3-4 netë dhe janë krijuar për ta shndërruar vetë anijen në destinacionin kryesor, siç e përshkruan Disney: “Një aventurë në det.”

Për adhuruesit e superheronjve, Marvel Landing sjell një risi — Ironcycle Test Run — një rollercoaster 820 metra të gjatë që “fluturon” deri në 30 metra mbi kuvertat e sipërme, duke u dhënë vizitorëve ndjesinë e vozitjes së prototipit të Iron Man.

Ndërkohë, Toy Story Place ofron një hapësirë të mbushur me lojëra uji, ndërsa San Fransokyo Street prezanton Big Hero Arcade dhe Hiro Training Zone për një përvojë të plotë aventureske.

Risitë vazhdojnë me Marvel Style Studio — një sallon ku jo vetëm fëmijët, por edhe të rriturit, mund të marrin stilime frymëzuar nga personazhet si Iron Man, Spider-Man dhe Captain Marvel.

Përveç kësaj, Bibbidi Bobbidi Boutique do t’u mundësojë fëmijëve nga 3-12 vjeç të shndërrohen në princeshat e tyre të preferuara Disney.

Sa i përket akomodimit, anija ofron dhoma dhe suita të frymëzuara nga Disney Animation, Pixar dhe Marvel. Në majë të luksit ndodhen dy Concierge Royal Suites me tematikën e “Frozen,” të pajisura me dhoma gjumi, zona ngrënieje dhe një verandë private me xhakuzi.

Në aspektin kulinar, “Disney Adventure” do të sjellë dy restorante argëtuese, dy të animuara, dy gourmet dhe disa restorante me tematikë Disney. Për t’u siguruar që pasagjerët të shijojnë disa nga opsionet, Disney do të aplikojë konceptin e saj “rotational dining,” duke garantuar që të gjithë të përjetojnë të paktën tre darka unike gjatë udhëtimit.

“Disney Adventure” është rezultat i një rruge të gjatë — fillimisht ishte planifikuar të ndërtohej për një linjë tjetër kroçerash, por pas falimentimit të kompanisë, Disney e bleu anijen në 2022 dhe bashkë me ndihmën e Meyer Werft në Gjermani, e përfundoi projektin madhështor.

Rezervimet për udhëtimet nga dhjetori 2025 deri në shtator 2026 janë tashmë të hapura, duke e bërë këtë një mundësi të jashtëzakonshme për të gjithë adhuruesit e Disney.

Ndërkohë, Disney nuk ndalet me kaq — në 2029, një tjetër anije Disney do të debutojë në Japoni, falë partneritetit me Oriental Land Company, pronarët e Tokyo Disney Resort.