Megjithëse ende nuk ka një datë publikimi, John Wick 5 premton të sjellë një histori të re, pavarësisht përfundimit dramatik të John Wick: Chapter 4, ku protagonisti dukej se ndërronte jetë pas betejës së tij finale.

Suksesi i madh i kapitullit të fundit, i cili arkëtoi mbi 440 milionë dollarë në mbarë botën, ka nxitur vendimin për të vazhduar sagën. Producentët theksojnë se nuk do të rikthenin John Wick pa një histori vërtet të jashtëzakonshme. “Keanu, Chad, Basil dhe Erica nuk do të ktheheshin pa diçka fenomenale,” tha Fogelson, ndërsa Iwanyk dhe Lee shtuan se vazhdimi i historisë duhet të jetë në nivelin e duhur.

Fansat presin me padurim të zbulojnë se si do të rikthehet John Wick dhe si do të zgjerohet universi i tij epik!