"Deep Cuts" — Filmi i ri nga A24 me Saoirse Ronan dhe Austin Butler në role kryesore!

Film | 28.02.2025 Ora 8:21

A24 po na sjell një tjetër film të fuqishëm! Deep Cuts — nën regjinë e Sean Durkin (i njohur për The Iron Claw) — ka zyrtarizuar dy yje të mëdhenj si protagonistë: Saoirse Ronan dhe Austin Butler.

Ronan, katër herë e nominuar për Oscar, dhe Butler, i cili mori nominimin e tij të parë për rolin në Elvis (2023), do të portretizojnë një çift të ri që përjeton një histori dashurie të trazuar.

Filmi është bazuar në romanin debutues të Holly Brickley dhe zhvillohet në vitet 2000, duke ndjekur dy të rinj të fiksuar pas muzikës teksa përballen me realitetin e ndërlikuar të ambicies, përkatësisë dhe rritjes personale.

Fun fact: Përveçse protagoniste, Ronan do të jetë edhe producente e filmit!

Ende s’ka një datë zyrtare publikimi, por me këtë kast dhe A24 në krye, pritshmëritë janë të larta!