Aktorja Millie Bobby Brown ka shprehur hapur dëshirën për të portretizuar Britney Spears në një film biografik.

 21-vjeçarja britanike, e njohur për rolin e saj si Eleven në Stranger Things, e ka cilësuar interpretimin e Spears si një nga ëndrrat e saj më të mëdha.

Në një intervistë për Entertainment Tonight, ajo tha: “Asgjë s’do të më bënte më të lumtur sesa të luaja një person kaq ikonik dhe të bukur. E lë këtë në duart e Zotave.”

 Komentet e saj vijnë pasi fansat kanë spekuluar se Brown ka bërë homazhe të fshehta për Spears në disa sesione fotografike, ku është parë me flokë bionde dhe veshje të ngjashme me ato të këngëtares së hitit Toxic.

Këtë vit, Brown do të përfundojë kapitullin e saj me Stranger Things, pasi sezoni i pestë dhe i fundit i serialit do të publikohet në Netflix, plot nëntë vite pas premierës së tij në 2016.