Filmi i animuar kinez Ne Zha 2 ka thyer rekorde historike duke u bërë filmi me arkëtimin më të madh ndonjëherë në një treg të vetëm, me 1.4 miliardë dollarë të fituara vetëm në Kinë që nga premiera më 29 janar.

Duke lënë pas edhe Star Wars: The Force Awakens, ky film jo-hollywoodian tashmë është në top 20-shen e filmave me arkëtimin më të lartë globalisht.

Bazuar në mitologjinë kineze, Ne Zha 2 ka sjellë një valë krenarie kombëtare në Kinë dhe tashmë ka nisur rrugëtimin ndërkombëtar në Australi, Zelandë të Re dhe Amerikën e Veriut.

Me një histori të fuqishme, animacion të avancuar dhe mesazhe që prekin breza të ndryshëm, ky film është shndërruar në simbol të suksesit të industrisë kineze të animacionit.