Miley Cyrus ka pranuar se nuk është e sigurt nëse dëshiron të ketë fëmijë.

“Tani jam 31 vjeç dhe ende nuk e di nëse dua fëmijë apo jo”, tha këngëtarja e Flowers në një intervistë për W Magazine. “Ndjehem sikur fansat e mi janë fëmijët e mi në një farë mënyre”.

Fituesja e çmimit Grammy kujtoi se si ndihej njësoj kumbara e saj, Dolly Parton, 78 vjeç. “E kam dëgjuar edhe Dolly-n të thotë këtë, sepse ajo nuk kishte fëmijë”.

Miley, e cila prej dy vitesh është në lidhje me muzikantin Maxx Morando, foli se është shumë e lumtur në fazën aktuale të jetës.