Temperatura mesatare në botë ka arritur një nivel të ri për herë të tretë brenda një jave, tregojnë të dhënat jozyrtare. Të dhënat e analizuara nga një grup shkencëtarësh amerikanë tregojnë se temperatura mesatare globale të enjten ishte 17.23 gradë Celsius. Ai thyen rekordin prej 17.01C të vendosur të hënën, i tejkaluar vetëm një ditë më vonë kur temperatura mesatare arriti në 17.18C. Temperaturat janë të nxitura nga ndryshimet klimatike të shkaktuara nga njeriu dhe modeli i motit që ndodh natyrshëm i njohur si El Niño, thonë shkencëtarët. Lëkundjet Jugore të El Niño, ose siç quhet ndryshe ENSO, është luhatja më e fuqishme në sistemin klimatik kudo në Tokë. Kjo ndodh çdo tre deri në shtatë vjet, dhe në fazën e ngrohjes, ujërat më të ngrohta dalin në sipërfaqen e Paqësorit tropikal dhe e shtyjnë nxehtësinë në atmosferë.

"Shkencëtarët e klimës nuk janë të befasuar për thyerjen e rekordit ditor të temperaturës globale, por ne jemi shumë të shqetësuar," tha Friederike Otto, pedagoge e lartë në shkencën e klimës në Imperial College London. “Duhet të jetë një thirrje zgjimi për këdo që mendon se bota ka nevojë për më shumë naftë dhe gaz”, shtoi ajo. Para kësaj jave, hera e fundit që u thye rekordi ishte në gusht 2016.

Ekspertët paralajmërojnë se shumë shoqëri nuk janë përshtatur ende me nxehtësinë më ekstreme dhe ndikimet që ajo ka tek njerëzit dhe mjedisi.