Sipas raportit, inflacioni në Kosovë ka arritur në 6 për qind, duke e vendosur vendin në krye të listës së shteteve të rajonit për rritjen e çmimeve.

Pas Kosovës renditen Kroacia me 3.8 për qind, Bosnja dhe Hercegovina me 3.6 për qind, Bullgaria me 3.3 për qind, ndërsa Mali i Zi, Maqedonia e Veriut dhe Sllovenia kanë nga 2.9 për qind. Greqia ka regjistruar inflacion prej 2.7 për qind, Shqipëria 2.5 për qind, ndërsa Serbia 2.4 për qind.

Të dhënat tregojnë se inflacioni në Kosovë është pothuajse dyfish më i lartë krahasuar me disa vende të rajonit, duke reflektuar presion më të madh në rritjen e çmimeve të produkteve dhe shërbimeve.

Ekspertët ekonomikë theksojnë se kontrolli i inflacionit dhe stabiliteti i çmimeve mbeten ndër sfidat kryesore për ekonominë e vendit, pasi rritja e çmimeve ndikon drejtpërdrejt në koston e jetesës së qytetarëve.