Projekti synon të fuqizojë artistët dhe kuratorët e rinj nga Kosova dhe Shqipëria, përmes programeve dhe thirrjeve ndërkufitare që mbështesin zhvillimin e tyre profesional dhe integrimin në tregun e punës.

Gjatë organizimit u theksua se sektori kreativ është një nga motorët kryesorë të rritjes ekonomike në botë, ndërsa mbështetja e Mbretërisë së Bashkuar në projekte të tilla u vlerësua si shumë e rëndësishme.

Drejtoresha e Këshillit Britanik për Ballkanin Perëndimor, Clare Sears, theksoi se Kosova është ndër vendet më të avancuara në rajon në zhvillimin e ekonomisë kreative.

Sipas përfituesve të programit, iniciativa të tilla po ndihmojnë artistët e rinj të përgatiten më mirë për tregun e punës, ndërsa shumë prej tyre tashmë kanë arritur të depërtojnë edhe në tregun global.