Këngëtarja dhe aktorja Jennifer Hudson ka zbuluar se është frymëzuar nga djali i saj 16-vjeçar, David Daniel Otunga Jr., dhe partneri i saj, reperi Common, ndërsa përgatitet për turneun e saj të ri veror.

Në një intervistë për People, artistja tregoi se djali i saj, i cili merret edhe me prodhim muzikor, ka rikrijuar disa nga këngët e saj, gjë që e ka frymëzuar shumë në procesin krijues.

Hudson shtoi se atmosfera muzikore rreth saj, sidomos pranë djalit dhe partnerit të saj, e ka ndihmuar të sjellë ide të reja artistike.

Këtë verë ajo do të nisë një turne në Amerikën e Veriut së bashku me Josh Groban, i cili përfshin 16 koncerte. Turneu nis më 2 qershor në Montreal dhe përfundon më 3 korrik në Salt Lake City.