Projekti, i zhvilluar nga Universiteti Tsinghua në Pekin në bashkëpunim me kompaninë Beijing SAWES Energy Technology, quhet Stratospheric Airborne Wind Energy System (SAWES). Sistemi përdor aerostate të mbushura me helium që ngrihen në lartësi të mëdha dhe gjenerojnë energji nga erërat më të forta të atmosferës.

Prototipi më i ri, SAWES S2000, arriti gjatë një testi në janar të ngrihet në rreth 2000 metra lartësi dhe të lidhet me rrjetin elektrik. Gjatë testimit ai prodhoi 385 kilovat orë energji, sasi e mjaftueshme për të furnizuar një shtëpi mesatare për rreth 13 ditë.

Sistemi përmban 12 turbina dhe ka një kapacitet total prej 3 megavatësh. Studiuesit thonë se kjo teknologji përdor deri në 90% më pak materiale se turbinat tradicionale dhe nuk kërkon struktura të mëdha në tokë.

Fillimisht, SAWES pritet të përdoret për furnizim me energji në zona të largëta, ishuj ose situata emergjente, ndërsa në të ardhmen synimi është që energjia e prodhuar në lartësi të integrohet në rrjetin elektrik dhe të ndihmojë në uljen e përdorimit të karburanteve fosile.