Kelly Clarkson ka njoftuar se sezoni aktual i The Kelly Clarkson Show do të jetë i fundit, por ylli 43-vjeçar planifikon të vazhdojë të krijojë muzikë dhe të performojë.

Një burim i tha People se pas viteve me një orar intensiv ditor, Clarkson dëshiron të ecë me ritëm më të qetë dhe të kalojë më shumë kohë me fëmijët e saj, River, 11 vjeç, dhe Remy, 9 vjeç, pas vdekjes së babait të tyre në gusht. “Ky ndryshim i jep hapësirë të jetë më prezent në shtëpi, ndërkohë që vazhdon të bëjë punën kreative që do,” tha burimi.

Clarkson përmes Instagram-it falënderoi stafin dhe ndjekësit për mbështetjen gjatë shtatë sezoneve të shfaqjes: “Kam qenë jashtëzakonisht me fat të punoj me një grup kaq të jashtëzakonshëm njerëzish… Jam përjetësisht mirënjohëse për të gjithë talentin dhe njerëzit frymëzues që kanë ndarë kohën dhe jetën e tyre me ne.”

Ylli i pop-it tha se vendimi nuk ishte i lehtë, por se largimi nga orari i përditshëm i lejon të përqendrohet te fëmijët dhe të gjejë një ekuilibër të ri në këtë kapitull të jetës së saj.