Bad Bunny shfrytëzoi skenën e Grammy Awards 2026 për të përcjellë një mesazh të fuqishëm politik dhe human, duke deklaruar publikisht “ICE out” gjatë fjalimit të tij në Crypto.com Arena në Los Angeles.
Artisti portorikan, i cili fitoi çmimin për Best Música Urbana Album me albumin Debí Tirar Más Fotos, u shpreh kundër veprimeve të Agjencisë Amerikane të Imigracionit dhe Doganave (ICE), mes rritjes së dhunës dhe bastisjeve ndaj emigrantëve.
“Ne nuk jemi të egër, nuk jemi kafshë, nuk jemi alienë – ne jemi njerëz dhe jemi amerikanë,” tha Bad Bunny, duke marrë duartrokitje në këmbë nga publiku. Ai theksoi se “e vetmja gjë më e fuqishme se urrejtja është dashuria” dhe u bëri thirrje njerëzve të reagojnë me mirëkuptim dhe humanizëm.
Gjatë mbrëmjes, Bad Bunny fitoi gjithashtu Best Global Music Performance për Eoo dhe çmimin kryesor Album of the Year për Debí Tirar Más Fotos, të cilin ia dedikoi emigrantëve që janë detyruar të lënë vendlindjen për të ndjekur ëndrrat e tyre.
Së fundmi, reperi 31-vjeçar ka shprehur shqetësime se veprimet e ICE mund të rrezikojnë edhe fansat e tij, ndërsa në shkurt ai do të bëjë histori duke u bërë artisti i parë solo latino që kryeson Super Bowl Halftime Show.
