Drejtoria për Mbrojtje dhe Shpëtim në Komunën e Malishevës ka njoftuar qytetarët, si dhe personat fizikë dhe juridikë, që kanë pësuar dëme nga reshjet atmosferike dhe vërshimet, se mund të paraqesin kërkesat për vlerësimin e dëmeve.

Sipas njoftimit zyrtar, dëmet duhet të raportohen pranë Komisionit Komunal për Vlerësimin e Dëmeve nga Fatkeqësitë Natyrore, ndërsa formularët përkatës plotësohen në zyrën e pritjes në objektin e ri të Komunës së Malishevës.

Afati i fundit për dorëzimin e kërkesave është 16 janar 2026, deri në ora 16:00.
Autoritetet komunale u bëjnë thirrje qytetarëve të prekur që të respektojnë këtë afat, në mënyrë që procesi i vlerësimit dhe trajtimit të dëmeve të zhvillohet në kohë dhe pa vonesa.