Pavarësisht vlerësimeve të përziera nga kritika dhe një performance më të dobët në arkën filmike, Springsteen: Deliver Me From Nowhere ka arritur një sukses të moderuar në nivel global. Sipas të dhënave të Box Office Mojo, deri më 28 dhjetor filmi ka gjeneruar 45.1 milionë dollarë në mbarë botën, duke u renditur në vendin e 19-të në listën e Billboard për biografitë muzikore më fitimprurëse.

Filmi nuk ndjek strukturën klasike të një biografie nga fillimi deri në fund të jetës së artistit. Përkundrazi, ai fokusohet në një periudhë kyçe të karrierës së Bruce Springsteen-it, pas suksesit të albumit The River në vitin 1980, kur artisti vendosi të ndryshojë drejtim artistik me albumin akustik Nebraska.

Edhe pse Nebraska arriti vetëm në vendin e tretë në Billboard 200, krahasuar me katër javë në vendin e parë për The River, filmi thekson qartë filozofinë e Springsteen-it: zgjedhja e domosdoshmërisë artistike mbi suksesin komercial. Ky vendim konsiderohet sot si një nga momentet më formësuese të trashëgimisë së tij muzikore.