Sot, 17 nëntor, shënohet Dita Ndërkombëtare e Studentëve, për të përkujtuar guximin e studentëve të Universitetit të Pragës në 1939. Ata protestuan për lirinë dhe të drejtën për arsim, duke përkujtuar formimin e Republikës së Pavarur të Çekosllovakisë. Si pasojë e demonstratës, nazistët arrestuan mbi 1,200 studentë dhe ekzekutuan pa gjyq nëntë të tjerë.

E themeluar në 1941 nga Këshilli Ndërkombëtar i Studentëve në Londër, Dita Ndërkombëtare e Studentëve ka qëllim të nxisë mbrojtjen e të drejtave të studentëve dhe promovimin e arsimit të lirë dhe të sigurt. Në Republikën Çeke dhe Sllovaki, kjo ditë njihet zyrtarisht si “Dita e Luftës për Liri dhe Demokraci”.

Kjo përkujtesë na kujton se e drejta për të mësuar dhe për të protestuar pa dhunë mbetet një sfidë në shumë vende. Sot, mund të mbështesim studentët duke iu ofruar burime për arsimim dhe mundësi të reja, si platformat që ofrojnë informacion për bursa dhe trajnime edukative.