Një studim i ri ka zbuluar se bletët e mëdha janë në gjendje të përpunojnë kohëzgjatjen e shkëlqimeve të dritës dhe ta përdorin këtë informacion për të zgjedhur burimin e ushqimit.

Hulumtimi, i kryer nga Queen Mary University of London, përdori një labirint ku bletët përballeshin me dy burime drite: njëra me shkëlqim të shkurtër dhe tjetra me të gjatë. Ushqimi i ëmbël ishte gjithmonë i lidhur me shkëlqimin e shkurtër, ndërsa ushqimi i hidhur ishte tek shkëlqimi i gjatë.

Eksperimentet treguan se bletët mësuan të identifikojnë burimin e ushqimit duke përdorur vetëm kohëzgjatjen e dritës, edhe kur ushqimi nuk ishte i pranishëm. Studiuesit theksuan se kjo tregon aftësi të përpunimit të informacionit komplekse, një tipar që deri tani mendohej se nuk ekzistonte tek insektet.

“Bletët nuk janë thjesht makineri të instinktit, por kanë aftësi të mësuarit, kujtesës dhe fleksibilitetit në sjellje,” tha studiuese Elisabetta Versace. Ky zbulim vendos bletët mes pak kafshëve që mund të dallojnë flash-e të ndryshme kohore, duke përfshirë njerëzit, makakët dhe pëllumbat, dhe ndihmon në kuptimin më të mirë të perceptimit të kohës tek kafshët.