Raport: Mbi gjysma e produkteve kozmetike përmbajnë kimikate të rrezikshme

Shëndeti | 22.10.2025 Ora 8:17

Një episod i serialit “The Pitt” në HBO Max ka rikthyer vëmendjen tek rreziku që fshihet në disa produkte kozmetike. Një raport i organizatës ChemFORWARD zbulon se mbi 50% e produkteve të bukurisë të shitura në SHBA dhe Kanada përmbajnë kimikate të dëmshme, të njohura si PFAS, të cilat lidhen me çrregullime hormonale dhe probleme shëndetësore afatgjata.

Produktet me nivelet më të larta të këtyre substancave janë fondatinat, maskarat rezistente ndaj ujit dhe buzëkuqët afatgjatë. Raporti paralajmëron gjithashtu se rreth 88% e produkteve nuk i deklarojnë këta përbërës në etiketë, duke e bërë të vështirë për konsumatorët të mbrohen.

Megjithatë, organizata thekson se disa kompani tashmë kanë nisur tranzicionin drejt formulave më të sigurta dhe transparente, duke ulur përdorimin e kimikateve me rrezik të lartë në produktet e kujdesit personal.