Rënie e përfituesve nga disa skema pensionale në shtator 2025

Vendi | 22.10.2025 Ora 7:48

Numri i përfituesve nga disa skema pensionale dhe të mirëqenies sociale ka shënuar rënie në shtator 2025, krahasuar me të njëjtën periudhë të vitit të kaluar.

Sipas Agjencisë së Statistikave të Kosovës, rënia më e madhe është regjistruar te pensionet invalidore të punës, me -26,8%.

Rënie është shënuar edhe në pensionet e Trepçës (-19,7%), ndihmën sociale (-12,1%) dhe pensionet familjare (-10,7%).
Megjithatë, është vërejtur rritje në disa skema që mbështesin personat me aftësi të kufizuara dhe familjet e tyre, si pensionet për persona paraplegjikë dhe tetraplegjikë (+9,0%) dhe përkrahja për fëmijë me aftësi të kufizuara (+8,5%).