James Gunn qetëson zërat për suksesin financiar të “Superman”

Film | 08.07.2025 Ora 8:15

Në prag të premierës së filmit Superman, regjisori James Gunn ka reaguar ndaj spekulimeve rreth pritshmërive financiare të projektit. Në një intervistë për revistën GQ, Gunn u shpreh se nuk është e vërtetë që filmi duhet të kapë shifra si 700 milionë dollarë për të cilësuar si i suksesshëm.

“Po, ka një lloj presioni, por nuk është aq i madh sa po e paraqesin disa. Këto shifra janë të stisura,” tha ai, duke shtuar se rëndësia e filmit për DC Universe nuk do të matet vetëm me fitimet në arkat filmike.

Filmi, që sjell David Corenswet për herë të parë në rolin e Superman, është pjesë e kapitullit të parë të DCU-së së re që po ndërton vetë Gunn bashkë me producentin Peter Safran.